رحلتي المصوره الى مركز لاليك

قررت اني اسوي فرد لشعري

وسويت بحث بالنت وبكل مكان
وسألت

 وبعد ماقريت التجارب الشخصيه للبنات

واكيد فيه اللي ذم وفيه اللي مدح

استقريت بالاخير على مركز لاليك

وقلت اروح اشوف بنفسي واذا ماعجبني مو مجبوره اطلع

رحت لمركزلاليك و بالفعل اسم على مسمى

واللي شد انتباهي اكثر انه اسلامي

لاحظت بالاول حسن الاستقبال

بصراحه لمن تدخلين بتلاحظين الراحه النفسيه والهدوء وماكو سوالف الزقاير اللي نلاقيها في بعض الصالونات وللاسف تكون احيانا كبيره هالصالونات ولها اسم 

اللبس موحد والستاف مبتسمين

والمركز حده مريح

وصلنا

عجبني الديكوريشن

المهم

وصلت الباب طقيته ودرعمت

دخلت الريسبشين

حلو الديكور

حسيته اسلامي مو ؟

والصاله تطل عالبحر صراحه المنظر وااااو

 

واستقبلتنا مدام ميسون فديتها حدها حبوبه

وكانت حيل مهتمه بالزباين مو بس معاي مع كذا وحده

وطبعا انا ماقلت لهم اني راح اكتب عنهم بالنت ولاشي كنت ابشوف طريقتهم عالطبيعه

المهم قعدت انطر دوري بصاله عنونه عندهم بس عن جد روعه

 وانا اتخيل شعري بيصير نفس الفليبينيات ياااي وناسه

والهوى يحركه يمين ويسار

والا تصحيني الاخت ميسون من حلم اليقضه وتقولي هلآ دورك <<ترى مانطرت هذاك الزود يعني

وفي تلفزيون تقزرينها شوي عليه

الصاله تطل عالبحر صراحه المنظر 

الله يامطعم صنوبر جايك الدور  خخخخخخخخ

قعدت عالكرسي وتشوف شعري مدام دنيا 
  اهي مغربيه حبوبه وترتاحيين لها

قتلها عن اللي ابيه

((هني يسون شعرج وفيه ركن ثاني بعد بس مالقيت الصوره ))

جان تقولي النانو لو تسوينه ماراح يغير شعرج لانه بالاصل شعري ناعم ومافيه رده بس تعبان من الصبغ والهاي لايت

بس محتاج علاج

قلت علاج !!!!!!!!!!!!!!

عن جد حاشتني صدمه

قلت لا مابي علاج ابي النانو <<لالحين مصره خخخخخخ

خلوني طبعا شوي افكر بدون ضغط

وردوا بعد ربع ساعه جذي

وقالت لي الاخت دنيا انه النانو ميسوثيرابي اعتقد اسمه جذي المهم الدائم

قيمه بس 240 دينار وانه شعري ماراح يحمل خصوصا اني توني صابغه شعري ثلجي

اما العلاج راح يرد لشعري طبيعه ونعومته وراح يعالج الشعر ويعطيه لمعه وراح يكلفني 140 دينار

وافقت بالاخير على العلاجيمع اني ماكنت مقتنعه

والحمدلله اني وافقت

والله يرزقهم الرزق الحلال على النصيحه صج صج حسيت هلمركز مو ماديين وينظرون بالاول وبالاخير لمصلحه الزبونه

التجربه يمكن خذت مني وقت 3 ساعات

حطوا على شعري الماده وخلوها يمكن ربع او نص ساعه

وبينما انا بالربع ساعه ضيفوني كابتشينو

وخيروني بعد ياحليلهم

اختي استانست عالاكواب

وبعد ماتقهويت وقعدت اشوف التلفزيون شوي

وينادوني

عشان يغسلون الشعر هوووون

وبعد ماغسلووه نشفوه بالسشوار وبعدين استخدموا الستريتنر امبيه لما طلع الدخان والله خفت

بس عدت المسأله على سلام

قالوا لاتغسلين شعرج الا بعد 4 ايام عندهم بالصالون

وبعد الـ 4 ايام والله كنت بغسل شعري بالبيت عبالي السالفه شامبو وماي لووول

اشوى اني رحت

طلعت قصه

غسلوا شعري وحطوا عليه ماده ختاميه وهم استشوروه واشتغلوا عليه بالاستريتنر

وقالوا لي مع السلامه

للامانه شعري صار روعه وصحي ولما شفت النتيجه كنت جدا راضيه

وللامانه بعد ودي اعيد التجربه وان شاء الله بعيدها بعد 4 شهور لانه مده العلاج عالشعر بس 4 شهور

شكر خاص لدينا عالنصيحه

طبعا لازم اشتري هالمجموعه شامبو وماسك

تقريبا اذا ماني غلطانه سعرها ياربي جم

ياربي جم

ايه

تقريبا 50 دينار وانا شخصيا انصحكم فيها لانج قاطه شوي وشويات من البدايه فبلا جعاصه بالآخير

طبعا اختي سوت عندهم الدائم كلفها تقريبا 240

وطلعت راضيه عن النتيجه شعرها ستريت نفس الفليبينيات بالضبط <<ماغندا








~~~~




بتكلم عن المركز بشكل عام

وبالدايه احب اشكر مدام سندس
اللي عطتني من وقتها وشرحت اهم مميزات الصالون وعلى صدرها الرحب
وحسن الاستقبال

عموما المركز
يتكون من دورين


يهتم بالشعر


والبشره والجسم


الدور الاول للشعر


طبعا يسون صبغات للشعر طبيعيه وماتضر حتى الحامل
والعلم عند الله


وهم يسون حمامات زيت وقص للشعر عادي او حراري


وطبعا الحراري
يفكج من الاطراف الميته وبنفس الوقت علاجي


بالاضافه
الى فرد الشعر اللي اهو بالاساس تخصصهم


وهم لهم الاسبقيه بهالمجال
انتقلو فيها من اليوكو الى الدايموند والميلك شيك والحين معتمدين النانو وانا  سمعت بعد انهم وصلوا لشي يديد
احتمال يكشفه لنا المركز بالايام اليايه


الغريب بالموضوع انه في صالونات لالحين يسون اليوكو


لا ويكلمونج جنهم خبيرات واهم مايدرون شالطبخه


اعرف رفيجاتي اتصلوا على صالون سوا اليوكو
لهم بالبيت


ومساكين طاح شعرهم






المهم


نروح للطابق الثاني

وصلنا الدور الثاني

هذا المدخل

الاضاءه بتكون بهل المستوى

حده ريلاكس

شوفوا المكان مع الاضاءه



غرف النحت والعنايه بالبشره ومعاها شور حده الديكور عجبني

وغرف ثانيه

حق المساج والبشره بعد

كرسي المساج واااو

وهذي غرفه العنايه بالبشره

وعندهم اكثر من نوع لعلاج البشره

وهالكرسي اللي تشوفونه كرسي مساج انا جربته روعه

تدشون جو ثاني

وطبعا هالاضاءه تكون خافته بس انا هني خليتهم يشغلون اللمبات

شوفوا الصور مع الاضاءات وكل اضاءه متخصصه بنوع من علاج البشره

طبعا فيه اكثر بس انا ابيكم تشوفون الفكره

هذا حمام الدور الثاني الاضاءه بعد خافته

صور آخرى

هذا حمام الدور الاول

خزانه مع مفاتيح تحطون اغراضكم فيها وتقفلوون عليها

هالكريمات منتج ياباني مسوين عليها خوش عرض المجموعه ب70 واللي تآخذ مجموعتين تطلع لها المجموعه ب50

لايطوفكم لانه الكميه محدوده

 

كريمات تبيض البشره وتوحيد اللون

مجموعات العنايه بالشعر وغيرها

تشوفون مطعم صنوبر

وبالنهايه الستاف الحلوو

قولوا تششششششششششششششششيز

شكرا لاليك