المقادير بالصور
ورق عنب
عيش
دبس رمان
استكانه سكر
تمر هندي
بصل
فصين ثوم
طماطه نقطعها مربعات صغيره
بقدونس مفروم
جزر مبشور
فلفل رومي مقطع مربعات صغيره
نسوي الحمسه
نحمس البصل ونضيف له الثوم المدقوق
وبعدين الطماط ووبعدين الفلفل الرومي والبقدونس والجزر
ونخليهم الين يذبلون
ونحط بهاراتنا اللي نفضلها بالاضافه للكاري والكركم والملح والفلفل الاسود
الحين نحط على الحمسه العيش المشخول ونحرك لين يتغير لون العيش
عقب نسكر على العيش
ونخليه يبرد
نجهز باجي الشغل
نحشي ورق العنب بالعيش ونلفه
ونحطه بالفريزر
نقدر نستخدم هالاله اشتريتها من ارض المعارض لاطوفكم
حلوه وسهله
وتتكون من جزئين
الجزء اليمين يطلع حجم ورق العنب متوسطه واليسار يطلعها صغيره
اليوم الثاني نطلعه من الفريزر
ونسوي الصلصه
المقادير
تمر هندي
سكر في ناس يحطون بدال السكر قفشتين مربى مشمش
فنجان دبس الرمان
ماي
نخلطهم ونشخل الماي عشان نطلع فصوص التمر الهندي والقشور
اللي يحب يكون ورق العنب حار يضيف شويه فلفل احمر بودره مع الصلصه
الحين
نقشر بطاط ونقطعه حلقات ونرصه بقاع الجدر
ونرص فوقه ورق العنب
ونصب عليهم الصلصه
ونحط على ورق العنب صحن صين عشان مايتحرك ورق العنب ويتبطل مع الطبخ ونغطي الجدر ونخلي النار عاليه ولمن يفور الماي نقصر عليه
ونخليه من ساعه ونص الى ساعتين
وبالنهايه
