انا هالايام مودي صاير مع الطبخ
فاي فكره تجيني احب على طول اطبقها
مسخن الدجاج انا احبه
واعرف له كذا طريقه
وان شاء الله بحطها لكم
وفكرته طبعا كلها باليمون والحموضه
انااخذت الفكره وطبقتها على البرغر
وطلع الطعم واااو
واذا عندكم بالبيت اطفال يحبون الليمون
بيحبون هالساندويتش
نبتدي
بصل مقطع جوانح
ليمون
سماق
لومي اسود
زيت زيتون
برجر بقري
خبز خفيف اسمر او ابيض
جبن سلايس لايت
خس
اولا
نحمس البصل على النار بدون دهن
ولمن يتغير لونه نضيف له شويه ماي ونحرك بسرعه عشان ياخذ البصل اللون البني
ونستمر لين نوصل للون الي نبي
وبعدين عقب ماينشف الماي
نضيف شويه زيت زيتون
هذا البرغر او اي نوع ثاني بس يكون
ناخذ حبتين ونقطعهم مربعات
نضيف قطع البرغر
لزيت الزيتون والبصل ونخليه الين يستوي
وبعدين ونضيف عليه عصير الليمونه والسماق واللومي
الحين نجيب الخبزالخفيف
ونحط جبن سلايس لايت
ونحشيه بالحشوه
ونحط الخس
وناخذ الخبز ونرده للمقلى
ونخليه لين ياخذ اللون البني وياخذ طعم الزيت زيتون
هذا شكله بالمقلى
وهذا شكله بعد ما اخذ اللون
ونقطعه بالنص
ونقدمه
الطبق صحي بشكل عام
ويعتبر وجبه خفيفه
لانه استخدمنا
الخبز الخفيف ويفضل الاسمر
واستخدمنا زيت زيتون بدال زيت الذره
وما استخدمنا الملح نهائي
وعليكم بالعافيه
