دعوه من مركز لاليك لحضور حفل اطلاق منتجه الجديد

دعوه شخصيه

من مركز  لاليك

لحضور حفل اطلاق منتجه الجديد  للشعر

واسمه

لاليك ماجيك

برعايه معالي الشيخه فريحه الاحمد الصباح

انتظروا التغطيه باذن الله

المجـــــدره

المجـــــــدره

سويت المجدره  لرفيجاتي بالدوام والحمدلله عجبتهم

وهو طبق سوري

وماااااااااافيه عيش نهائي

لانه  اول سؤال يسألوني دايما ماكو عيش؟؟؟

وحدهم مستغربين

ههههههه

ما ادي يمكن لانه في مطاعم تسويها مع العيش

المهم

بحط لكم

المقادير

قلاص عدس اسمر

قلاص برغل خشن

حبه ماي

شويه كمون

بصل مقطع جوانح

خس مقطع

قلاص زيت زيتون

الطريقه

1- نغسل العدس ونحطه بجدر عالنارمع 3 قلاصات ماي وحبه ماجي وشويه كمون  بعد ربع ساعه تقريبا اخذي حبه وكسريها باسنانج اذا صلبه خليها بالماي بو دقيقتين واذا كانت صلبه بس تنكسر بسهوله  يعني خلصت ولانه بعد مانبي يصير مهروس لانه بنرده عالنار

في حال خلص نسكر عالجدر ونشخل الماي ونحطه الماي على  صوب لانه نبي الماي

2- ننقع البرغل بماي 

3- نقلي البصل بدهن ونخليه نفس بصل الكشري ونحطه على كتر

4 - نغسل الخس عدل مدل ونقطعه بالطول نفس الصوره  وونقعه بشويه خل وماي وبعدين نرد نغسله ونشخله  ونخليه  لين ينشف ااالماي وبعدين نخلطه بزيت زيتون

5- الحين نروح  ونحط جدر على النار ونقصر عالنار ونحط  البرغل ونصب عليه ماي العدس اللي شلناه ونغطيه  10 دقايق

 وبعدين نحط عليه االعدس فوقه بالضبط ونغطيه  5 دقايق وبعدين نفج الغطا ونخلطهم مع بعض وناخذ نص كميه البصل ونخلطها معاهم ونحط نص قلاص زيت زيتون عليهم  ونغطيه  10 دقايق

 6- نحط في صحن التقديم اولا الخس

وبعدين المجدره

 وبعدين نزينه بالبصل

وعليكم بالعافيه

مطعم زين الزاد

هايات

انا هاليومين اللي الاطباق والطلبات اللي بركز عليها كلها تخص الريوق

لانه بصراحه الريوق يوهق

ف اليوم  بقولكم عن مطعم حلو

اسمه

زين الزاد

الحين بتسألوني شنو المميز عنده ؟؟؟

المميز عنده الفلافل

امبيه عالفلافل اللي عنده

ميزتها تكون محشيه

اما بحمسه بصل

او لبنه

او حمسه فلفل

وبصراحه اكثر شي عجبني الفلفل

مو طبيعي

ف لمحبين الفلافل والفناتق

انصحكم بهالمطعم

طلبناه بالدوام عجب البنات والكل اخذ رقمه

رقمه

24811117

وعليكم بالعافيه مقدما

اخليكم ويا الصور

 حمسه البصل

الفلافل المحشيه باللبنه

كبده بدبس الرمان

لعشاق الكبده

طبعا معروف انه من فوايد الجبده انها تزيد نسبه الدم

ومفيده للحامل وخصوصا بالاشهر الاخيره

ومضره وممنوعه عن الحامل  بالاشهر الاولى لانها تسبب تشوهات للجنين

والله  اعلم

يمدحون الجبده بدبس الرمان في مطعم صبح ومسا ومطعم ميس الغانم 

اللي جربها هناك يقولنا

انا جربتها بسوليدير

وميجنا

عاديه

المهم

نرجع لموضوعنا  الرئيسي

وهو طريقه الجبده بدبس الرمان 

ويصلح ريوق وفنتك صراحه

اولا نجيب جبده  دجاج والخيار لكم مثلجه او فرش

ونقدر نستبدلها بجبده الغنم

ننظفها ونغسلها بالعدال ونحط عليها ليمون وملح وثوم عشان الزفره

ترى شكثر مايهتمون بهالنقطه 

المهم

المقادير

3 بصل

3 ثوم مع زنجبيل فرش مدقوق

كركم وشويه بهارات

ماجب حبه

بقدونس

وملعقه  شبنت

دبس الرمان

ونزينها بحب الرمان

الطريقه

نحمس البصل لين يذبل ويتغير لونه  وبعدين نحط عليه الثوم والزنجبيل والجبده ونقلب 

بعدين نضيف باجي البهارات  والماجي

ونضيف الخضره ونقلب وبعدين نغطي المقلى شوي الين تذبل الخضره

وطبعا معروف الجبده بسرعه تخلص ومانبيها تكون ناشفه  عشان جذي غطينا المقلى

نزهب الصحن اللي بنحط فيه الجبده ويفضل يكون نفس اللي بالصوره

نصف الجبده فيه بالتساوي

نزينه بالبقدونس

واخيرا نزينه بخطوط طوليه من دبس الرمان وعليكم بالف عافيه

اخليكم ويا النتيجه

حلو Donuts & Desserts

D & D

هالحلو اسمه

Donuts & Desserts

يتكون من لقيمات محشيه بالقشطه

ودونات كاكاو وفانيليا بالكراميل

واعواد الشيره

وبسبوسه

و3 انواع صوص

كاكاو وكراميل وشيره ومحطوطين بعلب صغيره على صوب داخل الكرتون

اكثر شي عجبني

القيماااات خطيره

الحلو مع التوصيل ب 12 ونص

اخليكم ويا الصور

شكل العلبه من برى

ترى كبيره بس التصوير مبين شكلها صغير

والحلو من داخل العلبه

رقمهم
99174133

وعليكم بلعافيه مقدما

سلطه الباذنجان والعدس الاسمر بدبس الرمان

اليوم جبت لكم 

سلطه الباذنجان والعدس الاسمر  بدبس الرمان

روعه بصراحه

واحنا خصوصا الموظفات نلقى بصعوبه اطباق للريوق

فـ هالطبق راح يعجبكم

نبتدي بالمقادير

جرجير

بقدونس

باذنجان

عدس

دبس رمان

روب

كمون

سماق

ملح

وخبز مقطع مربعات ومقلي

الطريقه

نجيب الصحن

ونحط الطبقه الاولى الجرجير

وبعدين نصب فوقه دبس الرمان على شكل خطوط

وبعدين نحط الطبقه الثانيه

وهي عباره عن باذنجان مقطع بالطول ومقلي

ونصب فوقه دبس الرمان على شكل خيوط

الطبقه الثالثه

كوب عدس

تحطونه بماي مع قفشه كمون وشويه ملح

ولمن يفوح

وتحسون العدس استوى

شخلوه من الماي وحطوه على كتر الين يبرد

بعدها بيكون  الطبقه الثالثه على السلطه

وبعد

ونصب فوقه دبس الرمان على شكل خيوط

الطبقه الرابعه

نحط الخبز المقلي

ونصب فوقه دبس الرمان على شكل خيوط

واخيرا الصوص

وهوعباره عن

2 روب 

وازينه بـ البقدونس المقطع

وشرايح البصل  المقليه نفس بصل الكشري <<نقدر نستغني عن هالطبقه

واخر شي نصب فوقه دبس الرمان على شكل خيوط

وبالعافيه ع جبودكم ^_^

مطعم الشاطر حسن بالمباركيه

امس كان الجو روعه  ومطر

فـ رحنا الديره

مودنا كان شعبي

هههههه

قلنا نبي  طاولات برا عالجووو الحلو

المهم والله كان زحمه

وكله خليجيين واجانب

اخليكم ويا الصور



والحين المطعم

طبعا المظلات اللي تشوفونها جديده

واا قبل ماكانت موجوده

وحاطيين العاب اطفال كلها جديده وفوقها مظلات

روعه المكان صاير

شوفوا الاجان قاعدين عالطاوله

والطاوله اللي يمنا يشيشون

طلباتنا

حمص

ريش

عرايس

نص دجاجه عالفحم

حميسه ربيان

وجاي نعناع

شخباري القلاصات

ههههههه



 الطلب طلع علينا ب10 تقريبا

والاكل بشكل عام حلو بس الكشري للاسف ماضبطوه المطاعم اللي يمه يسونه احلا من جذي

تغيير اسم المدونه

تم تغيير اسم المدونه من مدونه خيال

الي

اسم مدونه انا غير

كنكه من الكترونيات الغانم للقهوه الفرنسيه

هاااااااااي

بما اني من عشاق القهوه الفرنسيه والتركيه

رحت للغانم فرع الافنيوز

وانا رايحه بحاسب للكاشير

جان تطيح عيني على الكنكه

الله الله

وبعد الكترونيه

حده وناسه

سعرها ب 13 دينار

بخليكم مع الصور

ترى مو صغيره بس شكلها بالتصوير صغير

 بس تكفي 4 فناجيين  تقريبا

وجربت اسوي فيها القهوه وطلعت مضبوطه وب وش بعد على قولت المصريين 

جوكلت شوتس -chocolate shots

اليوم جبتلكم حلو روعه نفس فكره الكب كيك بس مفرغ من الداخل ومحشي  يا اما صوص ابيض يا اما صوص كاكاو ويكون  شويه حار

واي روعه شويه عليه من غير مبالغه

انا حده عجبني

والاغلبيه اتفق على هالشي لدرجه انه ماكفتني كيكه وحده

سعره ب 11 دينار

عدد الكيك  12 حبه

الرقم مكتوب عالعلبه

ماكو وقت :(

السلام عليكم ورحمه الله وبركاته

بصراحه عندي مواضيع شكثرررر وبتواريخ قديمه وحلوه بس للاسف ماكو وقت

اعذروني

بحاول اتفرغ على يوم واحطهم كلهم 

انا تكاسلت بصراحه لما ماشفت ردود
بس لما شفت الزوار اكثر من الالف تشجعت اني احط مواضيع اكثر
وثانكس على المتابعه عموما

بوسروال و فانيله

والله ما ادري هالمحل وووين

بس شعليهم بطلوا بطلوا محل باسمهم

فيلا فيروز

رحت للافنيوز والنيه  اتغدى بغاردن

وبعدين بس وصلت غيرت رايي

وقلت ماكي

وبعدين   شفت فيلا فيروز والا مسوين قعدات برى

والجوو يشوق صراحه

فاستقريت عليه

وهذي القعده برى الجو شرح بس شوي حر

الطلبات

اول شي تبوله فيلا فيروز

نفس التبوله التقليديه بس حاطيين عليها صوص من  فووق

امبيه عوار قلب صراحه

وطبعا الفته  وروعه

وحمص باللحمه روعه

وسمبوسه

وطبعا السمبوسه اللي هي المعجنات بس باللبناني

باقي ااطباق

بصراحه اهم طبقين بس

لووول

الطبق الاول عرايس باللحمه والجبن

واااو روعه

بس اختي ما عجبها

والطبق الثاني

طبقي المفضل

صياديه سمج

بس هالمره غيرت وطلبت صياديه ربيان

وهم حلو الطبق

وبث