شاي ع الفحم

والله اشتقنا لاجواء الشتا

هذي الصوره صورتها بشهر 2 اللي طاف

رحنا للمباركيه وطلبنا شاي غوري ع الفحم مع النعناع 

 

يمي يمي

 

بس للاسف مو دايما يكون النعناع متوفر

والطاولات اللي يمنا كلهم كانوا طالبين نفس الطلب 

وفيه منهم خليجيين 

تجربه ما اقدر اطوفها خصوصا بالشتاء

انصحكم فيها

 

مطعم بي اف تشانغ. P.F.CHANG’S

هايات 

اليوم بتكلم عن مطعم  P.F.CHANG’S

مكانه بالافينيوز بالدور الارضي

يستاهل العنوه من باب التجربه

بس عن نفسي مستحيل اروح له مره ثانيه 

لانه الاطباق جدا عاديه 

واحلى طبق عندهم ديناميت الربيان

 

 

المنيو

 

 

 

 

هذي الصوص

اول واحد فلفل موت بس الجرسون يضبط لكم الطعم ويخلطهم

ولو اني ما استفدت منهم 

واحس ماعندهم سالفه يعني مسوين حركه 

لانه بس هذا السيرفس ترى عندهم

غيره ماكو

وبعد ماعندهم خبز نهائي

 

 

 

 

هذا الديناميت 

فلفل من اسمه 

بس هذا الطبق المميز عندهم

والباجي عادي

 

 

 

 

الشوربه صينيه  حامض حلو 

تنذكر ماتنعاد 

لوووووووووووووول

ياي صج صج كل ما اذكرها تلوع جبدي

هههههههههههههههاي

 

 

كل طبق رئيسي يقدمون معاه عيش عالبخار ابيض او اسمر من اختياركم 

احنا طلبنا النوعين وطبعا الابيض طلع احلى

 

 

هذا الطبق بصراحه لذيذ 

والنودلز خطيره 

يقدمون معاها الربيان الجامبو 

 

 

وهذا طبق رئيسي ثاني 

سمك سلمون مشوي 

روعه بعد 

بس الاطباق كلها تحسونها مكرره الا الربيان الدايناميت 

ومستحيل تدخلون وتلقون طاوله ماعليها هالطلب

 

وهذا العيش الاسمر

 

 

 

صج طلباتنا شويه بس السعر انتوا الحكم 

تقيمي

السعر 7 \10

المكان 9\10

الاكل 8\10

سينابون CINNABON

سينابون CINNABON

سينابون منزلين حلو يديد نفس طعم السينابون العادي بس الشكل غير

قطع مربعات على بعض مرشوش عليها الدارسين وحاطين عليها الصوص الابيض

واكلوها حاره

انا خذيته للبيت صار بارد بس هم حلو

 

وطلبي كالعاده كابتشينو

حلويات الخباز MR BAKER

حلويات الخباز

ممم ما ادري شاقول عنها

كل شي فيها حلو

وكل مره اروح اطلب انصدم بحلوياتهم اكثر واكثر

الميني بيتزا

احبها اكثر شي عند قيصر وطبعا اشهر من نار على علم

واحبها عند الخباز 

 

شوفوا لسته مشترياتي اللي ماراح تخلص

2 ساندويتش دياي للاسف فاشله

وهذا المنتج الوحيد اللي جربته عندهم واعتبره فاشل

ملح ومتروسه بهارات

هذي روعه مرتديلا بس حسافه مافيها جبن سلايس

والكيك

امبيه على الكريمه البيضا اللي فوق

 هذي نفس فكره الكلير بس هذي احلى بوين والعود اللي وفوق ع بالي دارسين طلع كاكاو

الحلو البارد

اولا التيراميسو

روعه شويه عليه

ثانيا الاوريو

روعه بس يغث 

 باقي الطلبات

بينك بيري pinkberry

بعد سنه تقريبا من افتتاح البنك بيري ذقته باركولي
خخخخخخخخخخخخخخخ

شدعوى ع الزحمه

والله حلفت دام الزحمه موجوده مو اوقف عليه شدعوى لو ميته من اليوع ما وقفت عليه في هالزحمه
بس الحمدلله يوم افتحوا الفرع الثاني اللي يم اكس سايت

قلت يبيله نجرب

صراحه يستاهل التجربه روعه شويه عليه
بس ما يستاهل انه نصف دور عشانه

يعني المره اليايه لو اشوف 6 صافيين طابور مستحيل اكون سابعتهم

يافاضي يا بلا

وهذي طلبي منهم

مسوين دعايه قويه لطعم المانجو لانه يديد لايطوفكم صج روعه


وعلى فكره مو بس الكويت اهل هبات

فليك flake

كاكاو فليك مسوين حمله ترويجيه لكاكاوهم مع انه مو محتاج شحلاته



وقاعدين يوزعونه مجانا بجيان مول 360



وقالت الحجيه اللي تبيع اشتري العلبه بـ 950 فلس وادخلي السحب على علبه مكياج امسح واربح



قلت اوك



العلبه فيها 5 قطع فليك الكبيره جنهم غشوني



المهم



مسحت الورقه ودخلت موقعهم وحطيت الرقم اللي طلعي وبانتظار النتيجه

موقعهم
http://www.flakearabia.com/index.php?lang=ar

مطعم قيصر

جربت كل افرع قيصر

حولي اللي مكانه  بحولي بارك

والفحيحيل

والسالميه

وبعد الفروانيه

اكثر شي عجبني الفروانيه هالفرع الوحيد اللي دايما الاقيه زحمه فل والرقم واصل لوين

بس للاسف من غيروا المنيو وانا ما اروح له

عاد ذيج المره كان خاطري بسبرينغ رول الدياي بالجبن

وخبز بالجبن شي شي

اخليكم مع الصورز

بس ترى اسمها مو سبرينغ رول يتراوالي اسمها لفائف الدجاج بالجبن

خبز بالجبن روعه

حمص <<ما ادري شحقه طالبته عن جد

هالسلطه غرامي اروح قيصر بس عشان اطلبها مع مكوناتها بسيطه وتقدرون تسوونها بالبيت

اسمها على ما اعتقد السلطه التركيه بس انا دايما اطلبها بالمكونات ويفهمون ماشاء الله

ستيك لحم حلو مو واو

ستيك دياي روعه

وبالاخير العصير

التقييم

الاكل 8 \10

السعر 8 \10

الخدمه 7 \10