اقلام الاظافر

اقلام اصباغ الاظافر

للرسم على الاظافر

سعر الحبه بديناريين

اخذت منهم  لون الاسود والابيض والاخضر والبنفسجي

يتكون من راسين

لمن تبطلينه

الاول فرشاه نفس اللي بالصوره

وهني لازم تكونين حذره وانتي تستخدمينه لانه يدمرج اذا ماحطيتي بالج

وهذا الراس الثاني

هذا سهل استخدامه ومايدمرج ولاشي

بس بالال جربي على ورقه الرسه اللي تبين وببعدين طبقي عل راحتج

مكانهم بمجمع الكوت
ركن فيه فلبينيات يبيعون فوق

مناظر ايكيا

رحت لايكيا

ولقيت عندهم هالمناظر على شكل معين

العلبه فيها 10  حبات

5 لون برونزي

و5  لون رمادي

وسعرها ب5 دنانير

وتعطي منظر حلو بالمكان اللي بتحطونها فيها بس عاد انتوا وشطارتكم وذوقكم

انا فكرت احطها  يم تلفزوني البلازما

اللي عالطوفه بس اكمل الديكوريشن اوريكم النتيجه

كريم لتخفيف الاحمرار بعد الشيره Gel de Hypericum cpi

في ناس شكثر يتحسسون عقب مايشيلون بالشيره

ويصير الجلد عندهم احمر وجنه ملتهب ويبيلهم يومين على مايروح

هذا الكريم رووعه  يهدي هالتوهج ويبرد عالجلد

يستحق التجربه وموجود بالصيدليات

وبعد انصح عقب الشيره دايما مرروا عالجلد ثلج يسكر المسامات ومايخلي الشعر يطلع فتره
وبعدها على طول مسحوا عليه بماي الورد والجلد هني بيصير ناعم

طارق العلي يتبرع للشعب السوري

كعادته الفنان طارق العلي

سباق في الاعمال الخيريه

مطعم اشاز

مطعم اشاز

موجود في ابوحليفه

مجمع سبونز

المكا ن

الديكور والشمعه

جوووو

المقبلات

طلبت منهم سبرينغ رول

وسمبوسه هنديه

 وجاي النعناع واو

السلطه

وطلبت مطبق هامور

مع الروب بالكمون

روعه هالطبق

حلويات wonderful

طلبت من حلويات

wonderful

حلو  اسمه

Chocolate Lava

طبعا الطبق فيه 24 حبه كب كيك صغيره

وعليها صوص كاكاو رووعه وذايب

هاللعلبه فيها كيكه وحده بالفراوله عينه مجانيه للتجربه وبصراحه حلوه  بس لافا احلى

رقمهم للطلب

94445922

مطبق زبيدي من مطبخ الديوان

ذيج المره عزمت اختي على مطبق زبيدي

المهم ماكان عندي وقت اسوي لاني كنت راده من الدوام ومهدود حيلي وكان الشغل ذاك اليوم حده

المهم وانا بالدوام ذكرت مطعم الديوان  او بالاصح مطبخ الديوان

يهبل صراحه

سواته للزبيدي  جنا سوات بيت

روعه شويه عليه

المهم اخليكم مع الصور

وبالعافيه على قلوبكم

مطعم ماكي

مطعم ماكي

رحت اول مره مع خواتي

وكانت هذي طلباتي اخليكم مع الصور


اول شي المنيو ايباد كشخه
بس يلعوز












هذا حبوب الصويا باصلصه
روعه

طلت هالسلطه ببالكافيار الاسود
حلوه

طلبت هالاقماع المحشيه بقطع السمج والخضار
انا عن نفسي حلوه بس الباجي قالوا عنها عاديه

طلبت عيش الزبده وروعه هالطلب
وعيش بالربيان والخضار وهم حلو كان

هذا عيش بالزبده





عيش الخضار






لقطه جماعيه للاطباق
ساااي تجيز

طلبت النودلز روعه

وهالطبق لذيذ بس نسيت اسمه

هذي الزياره الثانيه وكانت مع رفيجاتي

طلبت هالسلطه وعليها كافيار برتقالي من فوق

موجوده قسم السلطات

روووعه

سوشي

نودلز

هذي اسياخ الدجاج بدبس الرمان

وعيش بازبده

وعيش بالخضار

والنهايه طلبنا حلوهم

وكان حده لذيذ

برنامج foursquare

برنامج حلو

تحمله على الاجهزه الذكيه
فور سكوير
من اهم مميزات الفور سكوير استكشاف المنطقه التي حولك من مطاعم واسواق وغيرها \\

برنامج الفور سكوير قالوا انه راح ياخذ شهره كبيره في اوربا اكثر من الخليج
بس الصدمه اللي صارت انه بدى بالانتشار بالخليج العربي بشكل كبير وخصوصا بالكويت
وصار من اهم برامج التواصل الاجتماعي

الحلو والمشجع فيه بعد

انك كل مارحت لمكان وسويت '' check in''
تحصل على جوائز والقاب  مثل عميد المكان أو  \المستكشف \ أو  المغامر
وهالشي بيستانسون عليه المستخدمين


فيه بعد ميزه حلوه انك تقول وين رايح بالمستقبل مثلا بتسافر لدوله او بتتعشى بمطعم معين  ويردون عليك قائمه اصدقائك ويفيدونك بالنصائح بخصوص المكان


اخليكم مع الصور وطريقه تحميل البرنامج


اول شي احمل البرنامج

وهني ابتدى التحميل

نضغط على علامه فتح

تطلع لنا هالشاشه

طبعا الخانات كما هو موضح
الاسم الاول
والاسم الثاني
والايميل
والرقم السري
تاريخ الميلاد
رقم التليفون مو ضروري
الجنس

وعلامه الكاميرا  هذي لاختيار الصوره الرمزيه

هالصفحه
فيها اصدقائك اللي بلستتك بالفون واللي مشتركين بالبرنامج

وخانه الفيس بوك والتويتر لازم تحط حسابك فيهم وتربطهم بالبرنامج وهاشي اختياري طبعا

انا ربطتهم :))

تحتهم بتلقى صور لناس ويمهم علامه + باللون البرتقالي اللي يجوز لك ضيفه D:

EXPLORE
اهني تستكشف الاماكن اللي يمك واقرب شي لك من مطاعم وكافيهات وغيرهم

طبعا احنا بنضغط على ايقونه الفود اللي اهيا الاكل

وهني يطلع لكم المطاعم  القريبه من بيتكم

ومنو من اصدقائك اللي باللسته اللي جربوه

راح تلقون بعد اغلب المحلات والماركات العالميه لها اكونتات هناك
وتقدرون تضيفونهم
بالضغط على فولو اللي باللون البرتقالي

تم تنزيل البرنامج على الجالكسي 2
يرجى مراعاه الفروقات من جهاز لي جهاز

واتمنى اتكونون استفدتوا وتستانسون  من البرنامج