الجمعة، 19 أكتوبر 2012

مسخن دجاج بالفرن



هاليومين فاصله انا على المسخن وقاع اجمع اي وصفه تخصه

المهم لقيت وصفه روعه

وهي مسخن فلسطيني

بس طبعا انا  غير بالمقادير وطلعت واااو


اهم شي  في الوصفه الليمون


المقادير


5 خبز ايراني

4 بصل مقطع جوانح

دجاجه

دبس الرمان

سماق

عصير 4 ليمونات


للتزين
صنوبر مقلي
رمان
ولوز مقلي



الطريقه

نقطع الدجاجه اربع انصاف  ونحط عليها طحين عشان يسحب ازفر

نحط بهاراتنا بجدر ونحمسهم
مسمار حب-  هيل حب - لومي حبه وحده - ورق غار دارسين - فلفل اسود حب

ونحط عليهم 4 فصوص ثوم مقطعين شرايح  - ونص بصله

ولمن تطلع الريحه  نحط الدجاج ونحركها شويه ونحط عليهاباي البهارات الناعمه شويه كركم وكمون وبهارات الدجاج وشويه كاري
والبهارات بالاخير راجعه لذوقكم

ونضيف عليها الماي المغلي

ونخليها 45 دقيقه على النار



- الحين نحط البصل نسويه نفس طريقه الحشو يعني نحطه بمقلى بدون دهن ونحركه الين ينشف مايه



 ونرد نحط عليه شويه ماي ونحركه بيتغير لونه ويصير بني ونكرر العمليه

 الين وصل للون اللي نبيه 
ونضيف عليه الزيت زيتون شويه بس ونحرك وبعدين نضيف نص قلاص تقريبا زيت زيتون
وعصير 3 ليمونات و3 قفاش سماق


بعد ماخلص الدجاج  نشخل مايه  ونخليه على صوب

نجيب الصينيه  ونحط عليها الخبز الايراني ونشرب الخبز بماي الدجاج





ماعدا الخبزه الاخيره  نحط عليها البصل  مع الزيت زيتون


ونصف عليها الدجاج  ونحط على الدجاج عصير ليمونه

وشويه دبس الرمان وهذا زياده من عندي والحمدلله طلع روعه


ونرش على الوجه سماق

وهذي صورته قبل ماندخله الفرن

وندخله الفرن

عقب مانطلعه من الفرن  نزينه بالصنوبر واللوزوالرمان
طبعا الرمان انا ضفته من عندي والا الوصفه مافيها





طبعا بتلاحظون طبقه الخبز تشقرت رووعه



 

 

 
 وبالعافيه
 

 

 

 

 

 








-