الأحد، 4 نوفمبر 2012

ماسكات للوجه من لندن وبسعر رخيص وحلو

FACE MASK"S FROM SUPERDUG STORE ..LONDON
السلام عليكم ورحمة الله وبركاته
حبيت اليوم اسويلكم ريفيو عن منتجات وايد حلوه للوجه
اهيا ماسكات من الـ ستور البريطاني الرائع superdrugs
الماسكات رغم سعرها الرخيص 99 بنس يعني تفريبا 350 فلس
الا ان نتيجتها وايد حلوه
وكل الريفيوات عن هالماسكات تمدح فيهم والناس تنصح بتجربتهم
الماسكات لها كذا نوع وكذا استخدام خل نشوف الصور ونتحجى عن كل نوع وشنو استخدامه
اول ماسك

Garnier Skin Naturals Pure Self-Heating Sauna Mask 2x6ml

 

ماسك من جارنيه الميزه الحلوه اللي فيه يطلع حراره مثل ماهوا مكتوب عليه حراره سونا
وانتي توزعين الماسك تحسين بحراره حلوه طبعا معروف انه الحراره تبطل المسامات وبجذي يطلع الدهن والـ dirt منها
يعني يعطيج نفسج نتيجه حمام السونا
انا جربته وكانت تجربه وايد حلوه حسيت ويهي عقب الماسك نظيف وناعم :)
انصحكم فيه

Superdrug Detoxifying Dead Sea Mud Mask



الماسك الثاني ماسك طيني من البحر الميت والطحالب البحريه
هالماسك ينظف الويه من الاوساخ المتراكمه ويدخل في المسامات وينظفها ويحتوي على عطر اللافندر عشان يسوي استرخاء للبشره :)
انا جربت هالماسك حسيت بشرتي فريش ونظيفه وملمسها ناعم
ولاحظت الفاونديشن ماقام يتقشر نفس قبل وصار ثابت
انصحكم فيه :)

Superdrug De-stressing Mud Mask



هالماسك مصنوع من معادن البحر الميت يعطي البشره استرخاء وملمس نظيف وناعم

Superdrug Deep Cleansing Fruit Mask




ماسك من الفواكه للتنظيف العميق
ينظف البشره من الاوساخ ويخليها نظيفه وحريره ولامعه :)

Dead Sea Purifying Clay Mask

 
 
الماسك هذا ينفع للي بشرتهم دهنيه ينظفها ويخليها فريش :)

Superdrug Tropical Cocktail Peel-Off Mask





هذا الماسك تقشير البشره بالفواكه الاستوائيه
وللرجال نصيب من هالماسكاات :)
Superdrug Men's Invigorating Peel-Off Mask







 
واتمنى الريفيووو عجبكم hope u like it
والحين اخليكم لاني بروح اجرب ماسك التقشير :)








 

Gadi 21 Minerals Hand Care Set Honey

 
 
Gadi 21 Minerals Hand Care Set Honey
 
السلام عليكم ورحمة الله وبركاته
 
ماركة  Gadi 21  ماركة عضويه منتجاتها تحتوي على المعادن الطبيعيه
 
عندهم وايد منتجات للبشره والجسم والوجه
 
انا جربت منهم شغلتين وكانت النتيجه وايد حلوه
 
جربت مجموعة العناية بالايدين والاظافر وجربت سنفرة الجسم مع كريم الجسم مالها واقدر اقولكم النتيجة كانت فتاكة
 
خل نشوف صورة مجموعة الايدين اللي يوصفونها بالـ Professional kit
 
 
 
تحتوي هذي المجموعه 4 قطع
 
مبرد لونه اسود للأظافر
 
المبرد المستطيل يحتوي على 4 جهات
 
ومرقمين ومشروحه طريقتهم بالترتيب
 
-اول جهة تبرد الاظافر
 
-الثانيه تعطي اللون الوردي للاظفر
 
-الثالثه تعطي لمعة للاظفر
 
والقطره الصغيره هذا محلول ينعم الجلد الميت اللي حوالين الاظفر ويشيله
 
رابع قطعه اللي اهيا كريم للايدين ريحته وايد حلوه وبنعم الايدين =)
 
عن تجربه المجموعه وايد وايد حلوه فعلا تعطي نتيجه احترافيه جنج مسوية اظافرج بالصالون
 
قيمتها 30 باوند يعني تقريبا 14 دينار
 
 موجودين في House of Fraser
 
وهذي الصور للمجموعة مالتي
 
 
 
 
 
 
لاتنسون اتابعوني في تويتر 
 
 
hope u like it